Velkominn á heimasíðu Gumma Línu. Sími 8937654 ætíð við. Muna svo að skrifa í gestabókina.

Búinn að opna nýja búð.

Mon, 02 Apr 2007 18:27:23 GMT

Sæl veri þið. Nú er ég búinn að opna nýja búð. Veiðihöllin og er hún staðsett að Suðurlandsbraut 4. 108 Reykjavík. Síminn er 533 1115 og 893 7654. Endilega kíkið við. Heimasíðan fer vonandi í loftið fljótlega en hún verður www.veidihollin.is

Kveðja Gummi.

Gleðileg Jól.

Sun, 24 Dec 2006 12:17:18 GMT

Gleðileg jól og hafði þið það sem best um hátíðinna og farið þið nú varlega í matarátinu.

Nýjar myndir frá mér.

Tue, 07 Nov 2006 00:39:33 GMT

Nú getið þið séð nýjar myndir frá mér með því að fara inn á slólina www.pbase.com/gg60 svo fer ég nú kannski að skrifa eitthvað í vetur, sumarið er til veiða en ekki til skrifa. Ef þið viljið sjá hvað ég er að skrifa á sumrin þá farið þið inn á www.arko.is

Kær kveðja Gummi.

Fluguveiðikennsla næsta sumar.

Mon, 23 Jan 2006 16:54:34 GMT

Jæja loksins skrifa ég eitthvað hér, en málið er að nokkuð margt hefur gerst síðan síðast. Skólinn er byrjaður og eins hef ég verið að undirbúa fluguveiðiskólann sem við Pálmi Gunnarsson verðum með næsta sumar hægt að lesa nánar um hann á www.arko.is sól hækkar á lofti, þorramatur borin á borð, það styttist í bolludag, sprengjudag og páska, ekki að það skipti svo sem miklu máli nema hvað á sama tíma styttist í fyrsta veiðitúr þessa árs. Hann er nú ekki planlagður ennþá og best að hafa það þannig.

www.arko.is

Wed, 04 Jan 2006 16:23:04 GMT

Kíktu á www.arko.is þá sérðu hvað ég er að gera þessa daganna.

Gleðilegt ár.

Sat, 31 Dec 2005 17:27:49 GMT

Í kvöld ætla ég að elda góðan mat og snæða með vinum, ég óska ykkur öllum gleðilegs árs og þakka fyrir það liðna. Sjáumst hress á nýju ári.

Færeyjar.

Mon, 26 Dec 2005 21:48:09 GMT

Lífið er svo skrítið stundum, í kvöld sat ég í rólegheitum og hofði á sjónvarpið og þar á meðal þátt með Eyvöru Pálsdóttur frá Færeyjum og þegar ég sá myndirnar frá Færeyjum og heyrði færeyskuna aftur fylltist ég af svo einkennilegri tilfynningu sem erfitt er að útskýra. Hlýja og söknuður held ég þó að séu réttu orðin. Mér finnst ekkert skrítið þó svo ég finni fyrir mikilli hlýju þegar ég hugsa til Færeyja og fólksins þar, en að ég skuli sakna færeyja finnst mér skrítið, því þar átti ég eina mínu erfiðstu tíma en jú samt líka mjög ánægjulega, eitthvað sem ég hefði ekki viljað missa af. Já svona er þetta, Færeyjar og fólkið þar mun alltaf eiga stað í hjarta mínu það er alveg ljóst.

Gleðileg Jól.

Sat, 24 Dec 2005 12:10:24 GMT

Gleðileg jól kæru vinir.

Vinna um helgina

Sat, 17 Dec 2005 10:41:55 GMT

Það er opið hjá okkur í Arkó Veiðihöllinni laugardag frá 10 til 16 og sunnudag frá 11 til 16. Svo ég verð að vinna.

Myndlista sýning.

Thu, 15 Dec 2005 12:36:43 GMT

Nú er ég að setja upp myndirnar hans Gutta í búðinni en sýningin verður opnuð á morgun föstudag. Þetta er sölusýning þannig að ég hvet fólk til að kíkja við og skoða þessar frábæru myndir.

Til hamingju starfsfólk Reykjvíkurborgar.

Mon, 12 Dec 2005 18:41:19 GMT

Ég vil nú byrja á því að óska opinberum starfsmönnum Reykjvíkurborgar til hamingju með nýgerða kjarasamninga, tími til komin að störf þeirra væru metin að verðleikum og ef eitthvað er mætti hækka laun þeirra meira.

En að öðru máli, nú er ég orðin Þróttari og ekkert múður með það, hvers vegna? Jú ég hef alltaf haft taugar til Þróttara síðan Hemmi, Ási og Valli Matti voru þar, svo er Eysteinn Pétur þar núna og svo er auðvitað Steini hennar Unu harður Þróttari, ég hef ekkert val lengur, svo áfram Þróttur, upp með ykkur næsta sumar.

Búinn að kaup 50 % hlut í Arkó.

Sun, 04 Dec 2005 11:12:13 GMT

Jæja gott fólk, nú er ég búinn að kaupa 50 % hlut í Arkóveiði ehf og hef tekið við rekstrinum. Endilega kíkið við og fáið ykkur kaffi og piparkökkur hjá okkur.

Það er ýmislegt í gangi hjá okkur fyrir jólin, spennadi tilboð, myndlistasýnig o.fl.

Ég er líka að vinna í nýrri heimasíðu fyrir Arkó sem opnuð verður fljótlega, þið getið farið inn á arko.is og skoðað þá gömlu en sú nýja dettur inn fljólega.

Ég vona að jólaundirbúningurinn gangi vel hjá ykkur.

Von á fréttum

Fri, 18 Nov 2005 21:56:44 GMT

Sælt veri fólkið. Já líklega er ég búinn að setja met í því að skrifa ekkert inn á heimasíðunna mína, en ástæðan er vinnan og námið + svolítið sem ég hugsanlega segi ykkur frá eftir nokkra daga, það er mikið í gangi hjá mér og eins og málin hafa þróast þá er von á fréttum frá mér fljótlega, en þó á eftir að ganga frá ýmsu áður en ég þori að segja meira. Svo þið verðið bara að fylgjast með og vera þolinmóð.

Prófkjör sjálfstæðisfólks.

Tue, 01 Nov 2005 02:18:23 GMT

Nú líður senn að prófkjöri sjálfstæðisfólks í borginni. Ég hef velt þessum málum mikið fyrir mér og þykkir nokkuð ljóst að tími breytinga sé framundan sem betur fer. Ég dreg ekki dul á það að mér þykkir skipta máli hver leiðir sjálfstæðisfólkið í næstu borgarstjórnarkosningum og því styð ég Vilhjálm í fyrsta sætið þó ekki hafi ég neitt á móti Gísla Marteini sem er góður drengur og metnaðargjarn. Hins vegar þurfum við mann með mikla reynslu til að taka forustuna núna og snúa málunum við.

Vilhjálmur er kraftmikill og duglegur stjórnmálamaður og vel liðinn af andstæðingum sínum jafnt sem samflokksfólki og slíkt vegur þungt þegar ég þarf að taka ákvörðun sem þessa. Það sama má segja um Kjartan Magnússon sem gefur kost á sér í þriðja sætið, þar fer kraftmikill og metnaðargjarn maður sem hefur mikla innsýn í samgöngumál höfuðborgarinnar sem og mörg önnur mál, í mínum huga standa þessir tveir menn upp úr af þeim sem nú eru í kjöri og eru þó margir góðir kostir að velja úr, því mér líst vel á þann hóp sem gefur kost á sér í prófkjörinu að þessu sinni. Hanna Birna er líka manneskja sem ég vil sjá ofarlega á lista, helst í öðru sæti því hún hefur vaxið mikið á þessu kjörtímabili og kemur sterk til leiks núna, um aðra á ég eftir að mynda mér endanlega skoðun því það er töluvert af nýju fólki, ég tek mér tíma í það fram að helgi.

Fluguveiðiskóli og skemmtilegt veður.

Fri, 28 Oct 2005 20:55:13 GMT

Orð dagsins í dag er fluguveiðiskóli, já já mér er full alvara þessi skóli verður starfræktur næsta sumar, vegna þess að reynsla mín af síðasta sumri er og góð og nú veit ég hvernig á að gera þetta.

Veðrið er alveg dásamlegt núna, vildi bara að það væri meiri ofankoma almennileg hríð þó ekki væri nema einn dag.

Ég og dóttirin erum upptekin af skólunum okkar þessa dagana, hún er að fara í sitt uppáhaldspróf ( stærfræði J ) hún hatar stærðfræði, en ég er að reyna að halda mér að náminu, læra að læra eins og sagt er, en vonandi hefst þetta allt að lokum held bara að ég sé nokkuð duglegur við þetta.

Ætla að vera duglegur um helgina við hin ýmsu mál sem hafa setið á hakanum hjá mér.